Kyai: wilujeng sumping menak..!
Bambang: pangersa.. nampi nuhun, ditampi ku kaula.
Kyai: bade tumaros ieuteh, saha nami teh?
Bambang: kaula teh, Bambang Jaya Sentika.
Kyai: dimana linggih?
Bambang: justru kaula teh teu gaduh tempat.
Kyai: ah teu mungkin..!
Bambang: naha aki nyebut teu mungkin?
Kyai: biasana ari ditaroskeun tempatmah, aya weh…unggal jelema ge.
Bambang: kaula bieu nyebut teh teu boga tempat?
Kyai: muhun..!
Bambang: bujeng hingga kaula boga tempat, da kaula ge lain nu kaula, istuning ‘diri sasampiran, awak sasampaian, umur ukur gagaduhan, saliring-liring dumadi, saringkak jeung sapari-pola, kaulateh kagungan gusti’
Kyai: ee..e..e..! mawa ka jero yeuh budakteh.
Bambang: ari aki saha kakasihteh?
Kyai: ari katelahmah, ngaran aki teh Kyai ajar padang.
Bambang: oh Kyai ajar padang..!
Kyai: ari maksad menak kadieu teh aya naon?
Bambang: maksad kaula teh, bade naroskeun bab elmu nu teu acan kaharti ku kaula.
Kyai: oh..kitu
Bambang: kaula teh nuju haus ku elmu, lapar ku pangabisa.
Kyai: sae.. budak ngora mah kudu kitu.
Bambang: kaula the mendak katerangan.
Kyai: katerangan naon?
Bambang: ieu kateranganteh, sabda na kanjeng Rasul.
Kyai: kumaha eta dawuhanana?
Bambang: saur kanjeng Rasul “umat kami bakal jadi sababaraha golongan, anu katarima ku pangeranteh ngan hiji.”
Kyai: da enya..
Bambang: tah kaula teh rek naroskeun, golongan mana nu bakal katarima teh?
Kyai: katarima kusaha?
bambang: ku pangeran.
Kyai: sakitu?
Bambang: nu kadua, jalma nu iman jeung nu taqwa teh nu kumaha?
Kyai: jero hungkul ieu pertanyaan teh.
Bambang: katilu, naon hartosna iman, jeung naon hartosna taqwa? Sabab nu ku kaula didenge-denge ku kaula, ngan kudu i..man weh jeung taqwa, tapi bari teu dibejakeun naon eta iman, jeung kudu kumaha?
Kyai: jadi teu dibejakeun eta iman jeung taqwa teh?
Bambang: muhun.
Kyai: atuh boroning nu ngadenge eta katerangan, jigana nu nersngkeunage biheung apaleun, sabab karek sabatas maca hungkul.
Bambang: kaopat, naon pangna agama di ka kamanusakeun?
Kyai: ngan punten bilih salah.
Bambang: ah ulah bilih salah, sing jentre weh ki..!
Kyai: da aki teh sarua weh jelema, teu cicing dina sifat langgeng, teu cicing dina hiji martabat, entong boro ayeuna jeung isuk, ayeuna jeung jam hareup, jelemamah moal apal.
Bambang: cing atuh ki..! naha golongan mana nu bakal katarima teh?
Kyai: katarima kusaha?
Bambang: ku pangeran.
Kyai: da pangeranmah moal narima golongan.
Bambang: naha?
Kyai: tadi ceuk katerangan? kumaha cing sakali deui..!
Bambang: umat kami..
Kyai: umat kami..
Bambang: bakal jadi..
Kyai: bakal jadi..
Bambang: sababaraha golongan.
Kyai: keun neupi eta weh heula, ‘umat kami bakal jadi sababaraha golongan’
Bambang: enya..
Kyai: tah nu sababaraha golongan teh umatna.. eta the.!
Bambang: oh..umatna?
Kyai: umatna keneh etateh.
Bambang: ‘nu katarima ku pangeran ngan hiji’
Kyai: aya bahasa golongan didinya?
Bambang: teu aya..!
Kyai: berarti nu katarima the lain golongan.
Bambang: jadi nu kumaha atuh nu ditarima ku pangeran teh?
Kyai: nu iman weh.. jeung nu taqwa.
Bambang: enya..atuh ari kitumah carana.
Kyai: kahartos?
Bambang: kahartos.
Kyai: ieu mah misalna..
Bambang: kumaha?
Kyai: ayeuna golongan, misalna jadi 73 golongan nu katarima ngan hiji..! sabaraha hiji nu teu katarima?
Bambang: 72..!
Kyai: tuh geuning..salah
Bambang: naha?
Kyai: angger weh.. 73 nu teu katarimamah, sabab tadi ge lain golongan nu ditarimamah, tapi nu iman jeung nu taqwa. Ngan ieu iman jeung taqwa teh teuing aya digolongan mana..!
Bambang: ari jalma nu iman jeung nu taqwa teh nu kumaha?
Kyai: jelema nu salilana migawe kana parentah pangeran, jeung anu salilana ngajauhan larangan pangeran.
Bambang: oh..kitu
Kyai: enya.
Bambang: nu katilu. Naon hartosna iman jeung taqwa?
Kyai: hartosna iman teh percaya.. ngan percaya dimana geus nyaho jeung apal.
Bambang: percaya teh?
Kyai: percaya the dimana geus nyaho, geus apal, jeung geus nyata. Kakara percaya, ari can yakin mah ulah waka percaya,sabab bisi dibobodo kubatur.
Bambang: contona?
Kyai: “alhamdulillahi rabbil ‘aalamin” naon hartosna?
Bambang: “sadayana puji kagungan Allah, nu ngurus sadaya alam.”
Kyai: saha nu ngurus teh?
Bambang: nya Allah..
Kyai: tuh da salah..!
Bambang: naha emang ceuk anjeun saha?
Kyai: naha rek dikamanakeun kecap “kun fayakun” lamun pangeran kudu ngurus keneh mah?
Bambang: kan ceuk katerangan ge kitu. “sagala puji bagi Allah nu ngurus sadaya alam”
Kyai: ‘sadayana puji kagungan Allah, nu ngurus sadaya alam’
Bambang: enya..
Kyai: kumaha upami urang contohan..?
Bambang: kumaha contona?
Kyai: “eta topi, kagungan bambang. Nu nutupan kana sirah” saha nu nutupan teh?
Bambang: nya topi..
Kyai: topi.?
Bambang: enya.
Kyai: yakin?
Bambang: yakin.
Kyai: tah “sadaya puji kagungan Allah, nu ngurus sadaya alam” jadi saha nu ngurus teh?
Bambang: nya Allah..!
Kyai: tuh geuning… singhoreng anjeun manusa nu goblog teh…!!
Bambang: eh.. naha kasar kitu geuning ki..?
Kyai: punten…! Goblog aki mah beda jeung goblog budak ngora,
Bambang: goblog aki emang kumaha?
Kyai: lain goblog kasar, jeung nyarekan, tapi aki mah goblog ieu ngandung harti lir ibarat ngaput baju teu make ukuran, kadang-kadanag sereg, kadang-kadang logor. Ari logor goblog tea, ari gobog teu mejehna, jadi anjeun jelema nu can meujeuhna. Bongan teu daek dikotektak, bongan da nuduhna kanu jauh.. bongan da nyawangna kanu anggang.. padahal ceuk katerangan “jelema dimana ngaji ulah kaluar tina dirina, lamun manusa ngaji kaluar tina dirina, maka bakal sasar eta manusa, mun di dunya geus sasar, bakal linglung ke di akhirat.”
Bambang: naha anu mana atuh nungurus teh?
Kyai: sategesna lain Allah tapi “puji” nu ngurus teh..
Bambang: puji?
Kyai: puji.
Bambang: kumaha kanyataannana?
Kyai: geura pek lamun anjeun ayeuna muji tangkal sampe, heug seukeutan, tuluy cecebkeun, tah bakal ngurus ka urang, geus sataun ala..!
Bambang: oh kitu nya..!
Kyai: puji dimana urang keur lempang, aya nu nangkring di jalan, carana muji teh ‘punten..’ ceuk nu nangkring teh ‘mangga wilujeng..!’ maka bakal ngurus eta jelema ka urang. Coba lamun teu nyebut ‘punten’, derr weh nu nangkring the jelemana geureuhan ‘eh siyah..jiga hayam wae, teu punten-punten acan lempangteh’. Nu leumpang babari kasinggung ‘ngomong naon siyah bieu teh?’, tungtungna pasea..weh..! tah eta ngaruksak sadaya alam.
Bambang: aduh..! le..res ari kitumah.
Kyai: ari carana muji, urang kudu ngahormat ka sasama manusa. hormateun teh aya tilu: kasaluhureun, kasapantareun, jeung kasahandapeun. ngahormat ka kasaluhureun.. keur tanyakeuneun jeung pentaeun,ngahormat ka sapantareun.. keur batur keueung jeung batur pakumaha, ngahormat ka sahandapeun.. keur bereeun jeung titaheun.
Bambang: leres pisan nya ki..?
Kyai: boroning muji ka sasama manusa..! ti kotok kudu di puji.
Bambang: naha ki?
Kyai: cing aki rek nanya..!
Bambang: naon?
Kyai: ti kotok nu kumaha nu geuleuh the?
Bambang: nu bau..?
Kyai: lain..
Bambang: nu medok?
Kyai: lain..
Bambang: nu kumaha atuh?
kyai: nu saeutik..! coba lamun tilu treuk? bakal jadi pupuk di sawah.
Bambang: leres pisan nya aki..!
Kyai: matak ulah ngewaan urangmah cu..! ulah geureuhan, ulah syirikan, pidik, dengki, kaniaya, jail, angguran geura prak geura hormat.
Bambang: leres ki..
Kyai: nu matak dordarna golongan ieu jeung itu, dilantarkeun parebut paham, parebut bener. Ari bener can kapimilik, eri pasea diheuleakeun.!
Bambang: leres pisan aki..
Kyai: contona:ceuk golongan ieu haram ngukus teh (meuleum menyan), ceuk golongan ieu heunteu. Bari padahal tiu kitu wae dipaseakeun..
Bambang: da enya atuh, ngukusmah haram..!
Kyai: haram?
Bambang: enya.
Kyai: ceuk saha?
Bambang: da puguh teu aya dina katerangan..!
Kyai: euweuh..?
Bambang: enya..!
Kyai: ari dina katerangan aya dawuhan kieu,
Bambang: kumaha?
Kyai: “hei manusa-manusa, teu meunang maneh ngukus, sabab ngukus teh haram” aya katerangan kitu?
Bambang: teu aya..!
Kyai: naha atuh pangeran teu ngaharamkeun tapi manusa ngaharamkeun?
Bambang: aduh.. enya atuh.
Kyai: jadi yakin.. ieu teh manusa na anu goblog.
Bambang: timbalan aki..! jadi ngukus the teu haram?
Kyai: heunteu.! Tah lamun aya jelema nu ngaharamkeun kanu ngukus, eta jelema teh jelema sasar.
Bambang? Etateh.?
Kyai: ari pangeran teu ngaharamkeun, ari manusa ngaharamkeun.
Bambang: ari nu sok ngukus?
Kyai: lamun nu sok ngukus (meuleum menyan), tapi niatna menta disalametkeun ku pangeran, menta dibere rizki ku pangeran, menta dibere rizki ka karuhun, menta disalametkeun ka karuhun. eta nu ngukus teh linglung..!
Bambang: naha nu ngukus disebut linglung?
Kyai: lamun niatna nu bieu..!
Bambang: apan aya kateranganana.. menta ka pangeran.
Kyai: naon?
Bambang: “prak araranjeun geura menta ka kaula.!”
Kyai: menta naon?
Bambang: nya menta rizki..!
Kyai: saha nu geus dibere ku pangeran?
Bambang: geuning batur ge barareunghar? Matak kitu ge geus dibere ku pangeran
Kyai: tanyakeun kanu beunghar, ‘ieu teh dibere ku pangeran, atawa meunang ikhtiar?’. Lamun enyamah dibere ku pangeran, tanyakeun, ‘sagede kumaha panangana pangeran teh?’. Sabab ari hukumna dibere teh: hiji nu mikeun, dua nu mere, tilu barangna. Jadi kudu kasaksi. Sabab kanyataanana, urang ka dunya the teu mawa nanaon..! cing ari anjeun jeung sampe, ka dunya heula mana?
Bambang: heula sampeu..
Kyai: heula sampeu?
Bambang: enya..!
Kyai: yakin?
Bambang: yakin.
Kyai: naha atuh menta deui ka pangeran..?
Bambang: na kumaha atuh?
Kyai: carana menta teh, geura pigawe parentahna, jeung geura jauhan laranganna. Sapertina urang haying boga sampeu, geura pelak sampeu, tuluy urus, ameh jadina alus. Jadi cara menta ka pangeran teh kudu daek ikhtiar.
Bambang: kumaha lamun urang menta disalametkeun ka pangeran?
Kyai: menta disalametkeun ka pangeran?
Bambang: enya..!
Kyai: kumaha lamun ceuk pangeran, “lamun maneh haying salamet, kudu bener weh hirup.!’ Sedengkeun geus aya pituduhnateh nyaeta al-Quran jeung as-Sunnah.
Bambang: ari eta menta rejeki ka karuhun?
Kyai: ari ceuk pamadeugan anjeun, saha karuhun the?
Bambang: jelema nu geus paeh..
Kyai: boroning menta rejeki kanu paeh, kanu hirup ge geus hese.
Bambang: lamun menta disalametkeun ka karuhun?
Kyai: kumaha lamun karuhuna baheulana urut jelema doraka, ‘boroning nyalametkeun sia, aing ge keur ripuh..!’ ceuk karuhun teh.
Bambang: naha kudu kumaha atuh tekadna dimana urang ngukus?
Kyai: tekadna ngukus teh, baca ku anjeun..! eta the simbul kana wujud, siloka kana awak, silib kana diri. Jeung ngukus the lan agama, tapi adat. Ngan tina adat kudu jadi pamadeugan.
Bambang: contona?
Kyai: ari rupa haseup?
Bambang: bodas.
Kyai: ari rupa areng?
Bambang: hideung.
Kyai: ari rupa seuneu?
Bambang: koneng.
Kyai: ari rupa ruhak?
Bambang: beureum.
Kyai: aya leuwihna ti eta?
Bambang: teu aya..!
Kyai: tuh geus opat rupa, nandakeun: amarah, lawamah, sawiyah, jeung muthma’inah.
Bambang: leres pisan atuh ki.
Kyai: Ari menyan the seungit.
Bambang: ari ceuk kaula mah bau jurig deuih..!
Kyai: geus panggih jeung jurig?
Bambang: encan.!
Kyai: tuh geus nipu maneh.. anjeun..! ari jeung jurig can panggih, ari ngambeuna eunggeus. Eta mah lain bau jurig, tapi kadorong tina rasa kangewa anjeun, ka manusa nu sok ngukus. Ari ngewa teh salah cu..!
Bambang: leres ki..!
Kyai: aya nu meuleum menyan, kaambeunateh seungit. Ari seungit teh karesep ghaib..
Bambang: karuhun?
Kyai: lain..! tapi karesep ghaib ‘ambeu’ nu aya tina irung urang. Cing ari ngambeu ti kotok bakal kumaha?
Bambang: bakal dipempet..!
Kyai: tuh.. ari nu bau mah teu beukieun geuning.! maksudna urang kudu saling seungitan, jeung saling majukaeun.
Bambang: muhun pisan atuh ki.!
Kyai: jeung jelema nu ngaharamkeun ngukus, etateh jelema sasar.
Bambang: naha nu ngaharamkeun ngukus disebut sasar?
Kyai: heueuh ari pangeran teu ngaharamkeun, tapi manusa ngaharamkeun?
Bambang: enya ceuk kaula ge pedah euweu katerangannana.
Kyai: euweuh?
Bambang: teu aya.
Kyai: cing aya katerangan kieu:
Bambang: kumaha?
Kyai: “hei manusa-manusa, geura arudud anjeun.!”
Bambang: teu aya..!
Kyai: naha atuh manusa beut ararudud?.meureun sarua weh..eta ge bid’ah. Geus ulah udud-udud acan, geus ulah dibaju-baju acan, lamun jelema loba kangewa.
Bambang: enya atuh..
Kyai: jadi urang iman the percaya dimana geus nyaho. Ari ngkus the adat karuhun urang. Karuhun teh mere bacaeun keur diri urang. Nu pentingmah, nu sok ngukus keunbae.. da moal nanaon.
Bambang: ari nu tara ngukus?
Kyai: nu tara ngukus? Keun bae.. da moal nanaon. Nu pentingmah nu sok ngukus jeung nu tara ngukus jelemana sing akur..! kapan pemerintahan ge geus nganjurkeun, yen urang the kudu ngahiji antara kasatuan jeung persatuan. Matak urang hijikeun.
Bambang: naon nu kudu dihijikeun?
Kyai: tekadna, ucapna, lampahna. Tah nu tilu ieu teh ulah pakia-kia tah nu tilu teh, kudu babarengan, ameh kaditunage runtut raut.
Bambang: enya..!
Kyai: nu matak didieu.. ceuk dina katerangan urang kudu ngucapkeun “Mahasuci Allah” 33x.
Bambang: enya..?
Kyai: subhanallah, subhanallah, maha suci Allah, maha suci Allah. Tuluy weh urang nyebutkeun kitu..!. kumaha lamun urang ngucapkeun “maha suci Allah” ku Allah dijawab, “heueuh sia nu kotorna”
Bambang: na kumaha contona?
Kyai: nu matak didinya ge 33, ari 33 the direndengkeun 3 jeung 3. Sabab dina wujud urang ge kabeh 33: 1 irung 2 ambeu 3 nungambeu, 1 panon 2 awas 3 nu awas, 1 ceuli 2 denge 3 nu ngadenge. Singkatnamah: 1 ucap 1 tekad 1 lampah. Hijikeun kabeh tah.. suikeun kabeh, kakara kaditunage ngaguluyur.
Bambang: ari hartosna taqwa?
Kyai: hartina taqwa teh, milih kana jalan anu hiji, nu lempeng turta bener.
Bambang: enya ki..!
Kyai: kahartos?
Bambang: karasa..
Kyai: nya sukur weh.. ari geus karasamah.
Bambang: tah ayeuna nu ka opat, naon pangna agama di kamanusa keun?
Kyai sabab manusa mah makhluq anu dibedakeun jeung makhluq nu lain. Diancikan akal, budi, pikiran, rasa, jeung perasaan. Sabab manusa mah kabeh sampurna. Benerna manusa the leuwih ti sato, jeung salahna manusa ge leuwih ti sato.
Bambang: naha jahatna manusa leuwih ti sato?
Kyai: leuwih..
Bambang: naha?
Kyai: cing nyatakeun..! ayeuna aya domba dimana maling sampeu, nya beuti na ongkoh, nya daun ongkoh, nya pagerna dirusak. Aya domba nu kitu?
Bambang: teu aya.!
Kyai: domba mah dimana maling sampeu ngan saukur daunna hungkul. Tapi jelema can beutina, tuluy daunna, jaba pagerna diruksak. Tuh jelema mah leuwih jahat ti batan sampeu.
Bambang: enya..nya.!
Kyai: ayeuna aya, boh sapi atawa munding nyokel jandela, tuluy maok tv jeung radio, neupikeun maehan nu boga imah?
Bambang: teu aya.
Kyai: jelema mah aya nya?
Bambang: aya.
Kyai: tuh jelema mah jahatna leuwih ti sato, jeung benerna oge leuwih ti sato.
Bambang: leres ki..!
Kyai: kaharti?
Bambang: kahartos pisan aki..
Kyai: matak ulah sasar, ulah linglung. Anu pentingmah taluktik diri ti kiwari, kotektak awak ti ayeuna. Sahubungan jeung katerangan, dimana manusa geus apal kana dirina, maka eta jelema bakal apal ka pangeran. Dimana jelema geus apal ka pangeran, maka baka ngarasa diri bodo. Lain bodo teu bias maca nuis, tapi bodonateh teu umakau, teu umaing, teu guminter, teu jumago, teu boga rasa ieu aing uyah kidul. Salilana sumerah jeung pasrah.
Bambang: enya?
Kyai: cing kaula rek nanyakeun, ari sumerah jeung pasrah kudu kasaha?
Bambang: nya kudu ka pangeran.
Kyai: ka pangeran?
Bambang: enya.
Kyai: pangeran the nu kagungan.
Bambang: enya.
Kyai: maenya ayeuna masrahkeun kanu kagunganana?
Bambang: jadi kudu kasaha atuh?
Kyai: apan matak itu di bikeun ka urang the, da geus teu butuheun..
bambang: naha kudu kasaha atuh?
Kyai: kudu kana hukum-hukum anjeuna.
Bambang: oh enya..!
Kyai: sumerah jeung pasrahteh kudu kana hukumna. Ayeuna lamun urang sumerah jeung pasrah ka pangeran, kumaha lamun pangeran ngajawab, “manehteh tong boro tina sumerahna, tina heunteuna ge da nu aing.!” Jadi pasrah mah kanu hukumna.
Bambang: hatur nuhun aki. Dina semet ayeuna kaula rek ngaku guru lahir jeung bathin.
Kyai: nuhun jang..!
13 responses to “BAMBANG JAYA SENTIKA & KYAI AJAR PADANG”
duduy
April 1st, 2010 pukul 10:14
kaharti…aya deui kang resep yeuh..
Yayat S Jayasantika Ad Dwany
Agustus 6th, 2010 pukul 15:07
YS, 060810
Pipiedetheomo
Agustus 19th, 2010 pukul 15:12
I like use viagra, but this no good in my life, so viagra no good.
jaka dirgantara
Agustus 21st, 2010 pukul 22:48
neda widi bade dicopy kanggo koropak abdi, kang…htr nuhun sateuacana.
Aceng Galuh
Februari 14th, 2011 pukul 05:31
Tah ieu kaharti jeung medok pisan dihartikeunana,jeung nu kieu nu dikorehan salila ieu
Deni. Apriyan
November 19th, 2011 pukul 07:02
Sae pisan kang . Nuhun nya tos nyaangan emutan sareung hate abdi. Aya keneh teu kang?
hamilton golf
Mei 23rd, 2013 pukul 23:34
hi!,I really like your writing so so much! share we
keep up a correspondence extra about your post on AOL?
I need an expert on this house to solve my problem.
Maybe that’s you! Having a look ahead to peer you.
Check This Out
Juli 16th, 2013 pukul 15:55
It’s a shame you don’t have a donate button! I’d certainly donate to this brilliant blog! I guess for now i’ll settle
for book-marking and adding your RSS feed to my Google account.
I look forward to fresh updates and will share this website with my Facebook group.
Chat soon!
sears coupons
Juli 21st, 2013 pukul 19:07
One of the most effective methods to carry out couponing effectively would be to follow the suggestions of other customers.
It may be your friend, family, and sometimes even the web
opinions. Following a pattern, where the people are being benefited is obviously reliable.
It saves your time too, when you can certainly get information for using a coupon with sears promo signal.
This can also work vice versa, where you can assist others while
sharing your experience online or during socialization.
Since it happened, Richard Sears was a lot in tune towards
the progressions in his land and used them together with his new company.
As individuals we’re just starting to go west and more railroads were being built, mail demand buying become yet another structure. Consumers from on the region were extremely stimulated to have the capacity to ask such exemplary things while never having to leave their homes.
At sears coupon could be employed on jewelries, apparels, automotive services and products, and hundreds more. You can acquire a voucher which can be applied on any particular company or product class. You’ll find deals which may be applied in a specific amount of purchase.
In this instance, there mightn’t be any limitation for choosing the merchandise. For that reason, it can be easily understood that how valuable the deals can be as far as your purchase from Sears is anxious. Starting from the ladies shoes to the fitness tools and even the mattresses, the said coupons might be availed in a variety of products, as stated earlier.
overstoc promo code offers
Juli 26th, 2013 pukul 01:02
Since it is easier than to run a shop in the market-place to run a
virtual online shop that to your shop which offers you
every thing under the sun that are available online suppliers
provide year long discounts. Also these online retailers like Overstock.
com provide specific discount such as overstock coupon code for promotional and advertising function.
Though a traditional Overstock discount is hard to find but after you get hold of it be
sure to be stunned.
Overstock Coupon is of very great use, because it has increased
the trend of on line buying by many times among your head of people.
It’s also several choosing things which increase its need. Several kinds of voucher rules are there Free Ship Coupon Code, namely Money Saver Coupon Code and several more; all are useful for different reasons.
Now these rules are being out of stock to do business. This is even comfortable for your customers since they are now free from the risk of advertising using a huge amount of income. Even some recharge internet sites and websites have started the Overstock Coupon system. They feature techniques like on a re-charge of Rs.10 only one will get 200-400 concession on buying Rs 999 and above. By using these techniques, even the web sites are increasing their sales. Many shopping websites have fixed a profit such that shopping beyond that certain amount could endure no delivery cost. Online coupons are now available even to reduce the shipping charge.
Check This Out
Agustus 4th, 2013 pukul 20:08
What’s up everybody, here every person is sharing these kinds of experience, therefore it’s good to read this website, and I used to go to see this weblog all the time.
Asep BS
September 6th, 2013 pukul 00:11
Pernah nguping mangsa kapungkur dina pawayangan.
Archer
September 20th, 2013 pukul 06:32
This is very interesting, You’re a very skilled blogger.
I’ve joined your feed and look forward to seeking more of your magnificent post.
Also, I have shared your website in my social networks!